Link açıqlığı

Saatnıñ esas haberi

Klimkin, Poroşenko ile Merkelniñ Qırım deokkupatsiyası meselesini muzakere eteceklerini bekley


Ukraina Tış işleri naziri Pavlo Klimkin, Ukraina prezidenti Petro Poroşenkoniñ Almaniya kantsleri Angela Merkel ile muzakereleri esnasında Qırım deokkupatsiyası meselesini ortağa qoyacağını bekley.

Bunı Klimkin bunıñ arfesinde «İnter» telekanalınıñ efirinde, eki devlet liderleriniñ planlaştırılğan körüşüvinden neler beklegeni aqqında aytqanda bildirdi.

Onıñ sözlerine köre, Qırım munasebeti ile nevbetteki sefer, bıltır sanktsiyalarğa rağmen yarımadağa kirsetilgen Siemens turbinaları ile vaziyetni muzakere etmek kerekler.

Ukraina tış siyaset muessisesi başlığınıñ aytqanına köre, Poroşenko ve Merkel ilk nevbette BMT barıştırıcılarını Donbassqa ketirüv taktikasını keliştirmege tırışacaqlar.

Aprel 10-da Ukraina prezidenti Petro Poroşenko AFC kantsleriniñ daveti ile Almaniyanı ziyaret etecek.

XS
SM
MD
LG