Link açıqlığı

Saatnıñ esas haberi

İran musulman devletleriniñ İsrail ile muzakerelerini tenqit ete


Ali Hamenei
Ali Hamenei

İrannıñ yuqarı lideri ayatolla Ali Hamenei, aprel 4-te İsrail ile muzakerelerniñ yapılmasına «bağışlanmaz bir hatadır» dedi. Bunı o, Suudiy Arabistan şehzadesi Muhammed bin Salman, israillilerniñ öz toprağında barışıq şekilde yaşamaq aqqı bar, degeninden bir qaç kün soñra söyledi.

Hameneiniñ saytında Suudiy Arabistan liderlerinden birisiniñ bu beyanatı añılmadı, lâkin İrannıñ yuqarı lideri Tahrannıñ, soñki vaqıtta İsrail ile Suudiy Arabistan arasındaki munasebetlerde közetilgen yımşamasına qarşı çıqqanına qatiyen işaret etti.

Hamenei: «(İsrailniñ – QA) yalancı ve zalım rejimi ile muzakerelerge doğru areket etüv, Filistin halqınıñ ğalebesini keri çekken bağışlanmaz bir hatadır», – dedi ve, bütün musulmanlarnıñ diniy borcu, filistinlilernıñ qarşılıq kösterüv areketlerine qol tutuvdan ibarettir, dep ilâve etti. İran lideri, filistinlilerniñ «Hamas» islâmcı gruppasına qol tutmağa devam etecegine söz berdi.

Yaqında eki devlet arasında ğayrıdan avia qatnavlar başlağanına baqmadan, Suudiy Arabistan ale daa şeklen İsrailni tanımay. Noyabrde İsrail ukümetiniñ azalarından biri, Suudiy Arabistan ile gizli temaslar aqqında bildirdi. Talilciler, eki sabıq duşman arasında munasebetlerniñ eyileşmesi, eki devletniñ de İran tarafından umumiy telüke körmeleri içün olmaq mumkün, dep işaret eteler.

XS
SM
MD
LG