Link açıqlığı

Saatnıñ esas haberi

Qırımda mahkeme ekstremizmde qabaatlanğan Ramazanovnı tevqif etilgen alda qaldırdı


Arhiv fotosureti, İsmail Ramazanov
Arhiv fotosureti, İsmail Ramazanov

Kremlniñ kontroli altında olğan Qırım Yuqarı mahkemesi birinci maqamnıñ qararını quvette qaldırıp, ekstremizmde qabaatlanğan İsmail Ramazanovnı tevqif etilgen alda qaldırdı. Böylelikle, o tevqif etilgen alda aprel 18-ge qadar qalacaq. Bunı Qırım.Aqiqatqa advokat Aleksey Ladin bildirdi.

Onıñ malümatına köre, mahkeme, Ramazanovnıñ orta ağırlıq derecesindeki cinayette qabaatlanğanını ve evelden muhakeme etilmegenini diqqatqa almadı. Qorçalavnıñ sözüne köre, tahqiqat üç ay içinde yalıñız eki şaatnı sorğuladı ve ekspertizalarnıñ neticelerini bekley.

Yanvar 23-te Novıy Mirde Rusiye telükesizlik hadimleri, qırımtatar İsmail Ramazanovğa ekstremizmniñ propagandasında qabaatlavnı bildirip, evini tinttiler.

Daa soñra Rusiyeniñ Qırım boyunca Tahqiqat komitetinde, tergevciler internet-radio vastasınen ekstremistik materiallarnıñ tarqatılmasında qabaatlanğan Aqmescit rayonınıñ sakinine qarşı cinaiy iş açılğanı aqqında bildirdiler.

Kremlniñ kontroli altında bulunğan Aqmescit rayon mahkemesiniñ akemi İrina Kirillova Ramazanovnı fevral 23-ke qadar 30 künge tevqif etti.

İlhaqtan soñ Qırımda Rusiyeniñ amelde akimiyeti mustaqil jurnalistler, cemiyet faaliyetçileri, Qırımtatar milliy areketiniñ faaliyetçileri, Qırımtatar Milliy Meclisiniñ azaları ve Rusiyede yasaq etilgen «Hizb ut-Tahrir» teşkilâtı ile alâqalı olğanlarından şübheli tanılğan Qırım musulmanlarınıñ evlerinde muntazam surette kütleviy tintüvler yapa.

XS
SM
MD
LG