Link açıqlığı

Saatnıñ esas haberi

Qırımda qırımtatar faaliyetçisiniñ anasına dair işi boyunca oturışuvnı başqa künge keçirdiler – aq-uquq qorçalayıcısı


İslâm-Terekte (Kirovskoye) qırımtatar faaliyetçisi Giray Kulametovnıñ anası Zarema Kulametovanıñ işi boyunca mehkeme oturışuvını şaatlar kelmegeni sebebinden 2018 senesi aprel 10-ğa keçirdiler. Bunı aprel 5-te Qırım.Aqiqatqa İnsan aqları boyunca Qırım alâqa gruppasınıñ koordinatorı Abdureşit Cepparov bildirdi.

Cepparov: «Mahkeme bugünlik yekünlendi. Oturışuvda sözde zarar körgenler tarafından bazı şaatlar yoq edi. Olar olmaq mumkün ve mecbur ediler. Ondan ğayrı, sözde aqaretlengenini taqdim etken bir qaç polis hadimi sorğulandı», – dedi.

Onıñ aytqanına köre, bundan soñki oturışuv aprel 10-ğa planlaştırılğan.

2018 senesi fevraliniñ başında Zarema Kulametovanı, polis hadimine «aqaret etken» içün polis bölügine çağırdılar.

Qırımtatar faaliyetçisi Giray Qulametov, 2012 senesinde içtimaiy ağda videorolik derc etken içün alğan on kün apis muddetinden soñ yanvar 28-de Qarasuvbazar muvaqqat izolâtorından çıqtı.

Yanvar 18-de Kremlniñ kontroli altında olğan İslâm-Terek rayon mahkemesi, yanvar 18-de Eski Qırımda evi tintilgen soñ yaqalanğan qırımtatar faaliyetçisi Giray Ametovnıñ işini baqıp çıqtı. Kulametovnı «ekstremistik artibutika ya da simvolikanıñ propagandası»nda qabaatladılar.

İlhaqtan soñ Qırımda mustaqil jurnalistler, cemiyet faaliyetçileri, qırımtatar milliy areketiniñ faaliyetçileri, Qırımtatar Milliy Meclisiniñ azaları ve Rusiyede yasaq etilgen «Hizb ut-Tahrir» teşkilâtı ile alâqalarından dolayı şübheli tanılğan Qırım musulmanlarınıñ evleri ketken sayın daa sıq kütleviy surette tintile.

XS
SM
MD
LG