Link açıqlığı

Saatnıñ esas haberi

QMC prokuraturası: Qırımda Baluhnıñ taqip etilmesine alâqalı şahıslar mesuliyetke çekilecekler


Volodımır Baluh mahkemeniñ oturışuvında
Volodımır Baluh mahkemeniñ oturışuvında

QMC prokuraturası Qırımda ukrain faaliyetçisi Volodımır Baluhnıñ taqip etilmesine alâqası olğan şahıslar aqqında malümat toplamaq içün cemiyet teşkilâtlarınen emekdaşlıq yapa. Bu şahıslar cinaiy mesuliyetke çekilecek. Bunı Qırım.Aqiqat Radiosı efirinde muessisedeki cinaiy işniñ alıp barılması boyunca nezaret idaresiniñ rehberi İgor Ponoçovnıy bildirdi.

«Vaziyet kontrolimiz altında buluna. Cinaiy işniñ alıp barılması yapıla… Biz Volodımır Baluh aqqında hatırlaymız, vo onıñ qanunsız yaqalanuvı, onda yapılğan tintüvlerge alâqalı şahıslar ve ondan ğayrı qabaatlav ukümlerini çıqarğan şahıslar – iç şübhesiz, erte-keç mesuliyetke çekilecekler», – dedi o.

İgor Ponoçovnıy, al-azırda Volodımır Baluhnı yaqalağan ve onı cinaiy mesuliyetke çekken şahıslarğa dair cinaiy işlerniñ alıp barılması bar, bundan şübheli olğanlarından ekisiniñ qıdırılması ilân etildi, dep hatırlattı.

Muessisedeki cinaiy işniñ alıp barılması boyunca nezaret idaresiniñ rehberi İgor Ponoçovnıyden alınğan intervyüniñ tolu şeklini Qırım.Aqiqat saytında oquñız.

Mahküm etilgen ukrain faaliyetçisi Volodımır Baluh, mart 19-dan berli muddetsiz açlıqnı tutmağa devam ete.

Rusiye FSBsi Volodımır Baluhnı 2016 senesi dekabr 8-de yaqaladı. FSB hadimleri Volodımır Baluh yaşağan evniñ tavanında 90 patron ile bir qaç trotil şaşkasını taptılar, dep iddia ete ediler. Qırım sakinine qarşı koloniya-qasabada 3 yıl ve 5 ay muddetine azatlıqtan marum etüv ve, ondan ğayrı, 10 biñ ruble (qararnen 4,6 biñ hrn.) miqdarında cöreme şeklinde uküm çıqarılğan edi.

Baluhnıñ qorçalavı ve aq-uquq qorçalayıcıları, onıñ Ukraina vatanperveri olğanı içün – eviniñ azbarında Ukraina bayrağı olğanı sebebinden repressiyalar qurbanı olğanını iddia eteler.

Ukraina Tış işleri nazirligi Baluhnıñ deral azat etilmesini talap ete.

XS
SM
MD
LG