Qırım.Aqiqatta «Siyasiy mabüsniñ tarihı» videoblogında Ayşe Umerova er afta Rusiyede siyasiy mabüsler olğan Qırım sakinleriniñ ayat ikâyelerini tarif etecek. Videobloglar er cumaaqşamı künü saat 9:00-da çıqacaq.
Birinci bölükte Rusiyede yasaq etilgen «Hizb ut-Tahrir» siyasiy İslâm teşkilâtına alâqası olğanında qabaatlanğan ilk qırımtatarlarnıdan biri, Ruslan Zeytullayevniñ ayat ikâyesi tarif etilecek. 2015 senesiniñ yanvarinde evine Rusiye telükesizlik hadimleri sürip kirdi. Tahqiqatnıñ versiyasına köre, Zeytullayev «terroristik gruppirovkanı teşkil etti». 2017 senesiniñ yazında mahkeme oña sert rejimli on beş yıl şeklinde ceza berdi. Cezasını Başqortostandaki Salavat koloniyasında çeke.
Ayşe Umerova – Qırım.Aqiqat Radiosında «Azatlıq aqqı» radioeşittirüvniñ muellifi.
Videoblogınıñ nevbetteki bölüginde siz Oleg Sentsovnıñ anası ile eksklüziv kadrlarnı körecek ve Qırım rejissörınıñ birinci kitabını qaç yaşında yazğanını bileceksiz.
