«Terciman»/«Perevodçik» qırımtatar gazetasınıñ birinci nomaresınıñ çıqqan kününe 135 yıl toluvı ve Qırımtatar jurnalistikasınıñ künü munasebeti ile Kyivde aprel 10-da «Qırım KHVleriniñ inkişaf tarihi ve işğal etilgen Qırımda söz serbestliginiñ zemaneviy vaziyeti» mevzusında tögerek masa keçecek. Bunı Qırımtatar Milliy Meclisiniñ azası Gayana Yüksel bildire.
Bildirüvde: «Jurnalistler ve aq-uquq qorçalayıcıları işğal etilgen Qırımda söz serbestligi saasındaki vaziyetni muzakere etecekler. Muzakere içün şöyle mevzular teklif etile: qırımtatar KHVleriniñ inkişaf tarihi, vaqtınca işğal etilgen Qırımda söz serbestligi saasındaki zemaneviy vaziyet, Qırımda vatandaş jurnalistlerine qol tutuv», – denile.
Aprel 10-nı Qırımtatar jurnalistikasınıñ künü olaraq 2011 senesinden itibaren qayd etip başladılar. Bu qarar, Bağçarayda, qırımtatar KHVleri konferentsiyasında alınğan edi. Birinci qırımtatar devriy neşir – qırımtatar maarifçisi İsmail Gasprinskiyniñ «Terciman» gazetası 1883 senesiniñ tamam aprel 10 kününde dünya yüzüni kördi.
