Link açıqlığı

Saatnıñ esas haberi

Ukraina Qırımda yapılğan qanunsız qazmalar içün Rusiyege iddialarını bildirmek kerek – Ukraina memurı


Abideler ve körülmege lâyıq yerlerniñ meseleleri boyunca Halqara şura yanındaki Ukraina milliy komitetiniñ icraiy mudiri Yelena Serdük, Ukraina ukümeti Rusiyege qarşı yalıñız ilhaq etilgen Qırımdan muzey kollektsiyalarnıñ çıqarılması içün degil, aynı zamanda arheologiya abideleriniñ çaypalması içün de uquqiy iddialarını bildirmek kerek, dep saya.

Memur: «Rusiyeliler muzey kollektsiyalarından taşılğan degerliklerni naqil etkenlerinden ğayrı, arheologiya abideleriniñ çaypalması yapıla. Bunıñ emsali yoq. Bu, degerlikleri Ermitajğa alıp ketilgen Suvdağğa aittir. Eski Kermen, Mangup Qale, Tavriya Hersonesi qoruğında qanunsız arheologik tetqiqatlar yapıla. Ukraina Cinaiy kodeksine binaen bu, 298-nci madde – abidelerni qanunsız tetqiq etüv ve çaypav. Böylelikle, Ukraina Rusiyege qarşı yalıñız muzey kollektsiyaları içün iddialarınıñ bildirmesi ile sıñırlanmamalı. Bütün bu cinayetlerni qayd etip, olar aqqında dünya toplulığını haberdar etmek kerek», – dep qayd etti.

Daa evel Ukraina Medeniyet nazirliginde Qırım.Aqiqat Radiosınıñ talabına cevaben, Qırım muzeyleriniñ mudirleri ve vazifeli şahıslarını medeniyet degerliklerini Ukrainanıñ sıñırından keçirgenleri içün mesuliyetke çekmek ve ondan ğayrı medeniyet sanktsiyaları deye bilingen sanktsiyalarnı tatbiq etmekni planlaştırğanlarını bildirdiler.

Muessiseniñ malümatına köre, 2016 senesinde İvan Ayvazovskiy adına Milliy resimler galereyasınıñ qararnen 38 resimini ilhaq etilgen Qırımdan Rusiyege alıp kettiler. Bu munasebet ile Ukrainada aqsız yerde öz başına iş körüv maddesi boyunca cinaiy işniñ alıp barılmasını başladılar. Rusiye tarafı, öz yurisdiktsiyası çerçivesinde areket etkenini iddia ete.

XS
SM
MD
LG