Aprel 4-te Rusiye Devlet Duması, celpname almağan askerlikke çağırılacaqlarnı, celpnameni almaq içün mustaqil surette arbiy komissariyatqa kelmek mecbur olğanları aqqında qanun leyhasını birinci oquvda qabul etti.
Qanun leyhası içün 341 deputat rey berdi, biri rey berüvden vazgeçti. Vesiqa aprel 3-te aqşam, oturışuv endi yekünlenmek üzre olğanda baqılğan edi.
Oturışuvnıñ canlı yayınlavı Devlet Dumasınıñ saytında derc etildi.
Qanun leyhasına binaen, celpnameler askerlikke çağırılğanlarğa sımarış mektübinen yetiştirile. Onı yalıñız askerlikke çağırılğanlar degil, aynı zamanda aileleriniñ aqıl-baliğ azaları ya da «olarnıñ menfaatlarını taqdim etmege vekâleti olğan» şahıslar almaq mumkünler.
