Link açıqlığı

Saatnıñ esas haberi

Qırım faaliyetçisi: Han sarayınıñ divarlarında qadimiy yazılar eşile


Bağçasarayda Han sarayınıñ «rekonstruktsiya»sı, arhiv fotosureti
Bağçasarayda Han sarayınıñ «rekonstruktsiya»sı, arhiv fotosureti

Yapılğan «rekonstruktsiya» neticesinde Bağçasaraydaki Han sarayınıñ divarlarında XVI-XVII asırğa ait süslemeler eşile. Bunı Qırım.Aqiqatqa QMC milletlerara munasebetler ve sürgün etilgen vatandaşlarnıñ işleri boyunca komitetiniñ sabıq başlığı, Qırım faaliyetçisi Edem Dudakov bildirdi.

«Şimdi divarlar dım çeke. Süslemeler eñ adiy şekilde qorçalanmadı. Qıya yel nem ketire ve bu süslemelerge doğru ura. Olar asılında tam manada eşildi. Eñ qıymetli olğan ğarp divarınıñ yüzünde endi bayağı büyük ğayıplar bar. Anda XVI-XVII ve qısmen XVIII asırğa ait süslemeler buluna. Şarq divarınıñ yüzünde bir kalligrafik yazı bar. Olar onı, iç bir qıymeti yoq dep qabul ettiler. Oña asıl da konstruktsiyalarnı tiredi ve fizikiy şekilde mahv ettiler. Han sarayındaki tarihiy şeylerden yalıñız divarlar qaldı», – dedi Dudakov.

Onıñ aytqanına köre, «rekonstruktorlar» Han sarayında «obyektniñ iç bir ekspertizası olmadan» çalışmağa devam eteler.

Mart 19-da Kyivde Ukrainadaki Rusiye elçihanesi yanında Qırımda Han sarayınıñ mahv etilmesine qarşı tedbir keçti.

Rusiye ukümeti Bağçasaraydaki Han sarayında «qazağa qarşı ilk nevbetteki işler»ni yapmağa devam ete. Ukraina Medeniyet nazirligi, Qırımdaki Rusiye ukümeti tarafından Bağçasaray qoruğınıñ territoriyasında işlerniñ yapılması neticesinde Han sarayınıñ baş binası içün mahv etilmek telükesi bar.

Bağçasaraydaki Han sarayı muzeyi – qırımtatarlarnıñ tarihı ile alâqalı olğan eñ belli muzey, Qırımnıñ Girey hanlarınıñ yazlıq rezidentiyası yeri. Muzey kompleskiniñ territoriyasında saray, harem binası, han mezarlığı ve cami bulunalar. O, UNESCOnıñ Dünya mirası cedveline kirsetilmege namzettir.

XS
SM
MD
LG