Link açıqlığı

Saatnıñ esas haberi

Garnaçuk: «Qırımda qazaqlar – rekonstruktorlardan başqa kimse degiller»


Rusiyede ve ilhaq etilgen Qırımda özüne qazaq degen kişilerni rekonstruktorlardan başqa bir kimse saymaq mumkün degil. Bunı Qırım.Aqiqat Radiosı efirinde Rusiye cemiyet faaliyetçisi, «Çistıy bereg. Krım» («Temiz yalı. Qırım») teşkilâtınıñ rehberi Vladimir Garnaçuk, yarımadadaki Rusiye ukümetiniñ yerli qazaqlarğa qol tutuv aqqında qanun leyhasını iza eterken bildirdi.

Cemiyetçi: «Biz Moskvada qazaqlarnıñ – şevronlar ile, uniforma kiyip – mahkemelerni qaravullağanlarını köremiz. Ve aynı zamanda, olar çette tura, olarğa kerçek iş yapmağa bermeyler. Olarğa qalğan tek iş – qaravullarğa çay ketirmek. Bu, boş bir immitatsiya. Lâkin oña kene de para ayırıla… Men, kiyinip-quşanıp, iç bir salâhiyetsiz noğay qamçılarını sallap şeerde kezgenlerge rekonstruktorlardan başqa bir şey aytamayım. Ondan ğayrı, qazaqlar Qırımda, 1920-nci yılda Beyaz ordu keri çekilgen vaqtından başqa iç bir vaqıt olmadılar», – dep qayd etti.

Daa evel, Kremlniñ kontroli altında olğan Qırım parlamenti, Qırım ukümetiniñ sözde «Qırım okrugı qazaq cemaatı» ile iş tutması aqqında leyhanı eñ yaqın oturışuvına çıqarmaq istegeni aqqında belli oldı. Yañı vesiqa, ukümet organlarınıñ qazaq cemaatları ile iş tutqanda salâhiyetlerini tayin etmek kerek.

Ayrıca, Kremlniñ kontroli altında olğan ukümetniñ qazaqlar yaşağan yerlerde qazaq kadet korpuslarınıñ ve köy iqtisadiyatınıñ inkişafında iştiraki aqqında söz yürsetilecek. Ondan ğayrı leyha, çetelde yaşağan qazaqlarğa yarımadağa köçmeleri içün qol tutulmasını közde tuta.

XS
SM
MD
LG