Link açıqlığı

Saatnıñ esas haberi

FSB, Qırımda gaz borusı ve ENHniñ patlatılmasından şübheli olğanlarını tayin etti, dep iddia ete


Rusiye FSBsiniñ ilhaq etilgen Qırım boyunca idaresiniñ rehberi Viktor Palagin, «Qırımda YEK obyektlerinde diversiyalar aqqında işi boyunca şübheli tanılğanlar tayin etildi», dep iddia ete.

Palaginniñ aytqanına köre, şübheliler «sıñır tışında qaçaqlap yüreler».

TASS, Palaginniñ sözlerini naqil etip: «Tahqiqat ve operativ araştıruv areketleri yapıla. Biz bunı kim yapqanını bilemiz, amma şimdilik qollarımız olarğa yetmey. Olar Rusiyeniñ tışında buluna», – dep bildire.

Bildirilgenine köre, Palagin, al-azırda Qırımda Yaqarlıq-energetika kompleksi (YEK) obyektleriniñ havfsızlığı «yüksek seviyede» temin etildi, dep ilâve etti.

2017 senesi noyabr 1-de Qırımda, Aluştada gaz borusı hattınıñ zararlandırılğanı ve neticede Qırımnıñ Cenübiy yalısında biñden ziyade sakinniñ gazsız qalğanı aqqında bildirildi. Ondan ğayrı, elektrik naqil hattı (ENH) direginiñ yıqtırılması aqqınd bildirildi.

Qırımnıñ Rusiye taraından tayin etilgen rehberi Sergey Aksönov, Cenübiy yalıda gaz borusı ile ENHniñ zararlanmasından ilhaq etilgen Qırımnıñ yaqarlıq-energetika kompleksi 7,54 million ruble (qararnen 3,36 million hrivna) zarar kördi, dep bildirgen edi.

Rusiye FSBsiniñ ilhaq etilgen Qırım boyunca idaresindeki tahqiqat bölügi yarımadada gaz borusı ve ENHniñ zararlanmasını «diversiya» olaraq tahqiq ete.

XS
SM
MD
LG