Link açıqlığı

Saatnıñ esas haberi

Rusiye ukümeti, Qırımnıñ tamır halqınıñ tarih ve mimarcılıq abidelerini mahv etip, ilhaq etilgen yarımadada qırımtatar tarihını mahv etecek ola. Bunı Qırım.Aqiqat Radiosı efirinde «Han sarayı» muzey-qoruğınıñ sabıq mudiri Elmira Ablâlimova bildirdi.

«Maña köre, Rusiyede etnosiyaset yoq, anda bütün ğayretler ealiniñ assimilâtsiyasına, tarihiy hatırasınıñ silinmesine doğrultıla. Menim fikrimce, Qırım sakinleriniñ başlarına propaganda lozunglarını qaviy etip qaqıp qoymaq, Qırımnıñ qırımtatar komponentini silip taşlamaq içün Qırımda bu qalıp qullanıla. Olarnıñ Qırımda ömürge keçirgen ideologiyasıda bizler içün yer yoq», – dedi o.

Elmira Ablâlimova, Rusiyeniñ yarımadada «tamır halqınıñ yoq etilmesine doğrultılğan siyasetni» keçirgenini, «onı susturmaq, icret etmege zorlamaq» istegenini ilâve etti.

«Han sarayı» muzey-qoruğınıñ sabıq mudiri Elmira Ablâlimovadan alınğan intervyüni eñ yaqın vaqıtta Qırım.Aqiqat saytında oquñız.

Rusiye ukümeti Bağçasaraydaki Han sarayında «qazağa qarşı ilk nevbetteki işler»ni yapmağa devam ete. Ukraina Medeniyet nazirligi, Qırımnıñ Rusiye ukümeti tarafından Bağçasaray qoruğınıñ territoriyasında işlerniñ yapılması neticesinde Han sarayınıñ baş korpusı içün mahv etilmek telükesi bar.

Bağçasaraydaki Han sarayı muzeyi – qırımtatarlarnıñ tarihı ile alâqalı olğan eñ belli muzey, Qırımnıñ Girey hanlarınıñ yazlıq rezidentiyası yeri. Muzey kompleskiniñ territoriyasında saray, harem binası, han mezarlığı ve cami bulunalar. O, UNESCOnıñ Dünya mirası cedveline kirsetilmege namzettir.

XS
SM
MD
LG