Mart 24-te Aqyar devlet universitetiniñ zalında qayd etilgen Yunanistannıñ milliy ğayrıdan doğuv kününde, ilhaq etilgen Qırımdaki yunan milliy-medeniy muhtariyetiniñ reisi İvan Şonus Rusiye prezidenti Vladimir Putinni «Yunanistan ve bütün dünyanı azat etmege» davet etti.
Bunı Qırım.Aqiqat muhbiri bildire.
Şonus: «Rusiyede etnik aqlarnı qullanmaq içün bütün şaraitler yaratıldı. Yunanlar mustaqillikni qazansa da, geopolitikada şimdi bizim tarihiy vatanımızğa büyük tesir bar. Yunanistannıñ azat etilmesi – bizde mında, Rusiyede, bizde mında, Qırımdadır. Biz, Rusiyeniñ zemaneviy yunanları, baş komandan Putinge bütün dünya ve Yunanistannı azat etmege imkân berecekmiz», – dedi.
Kremlniñ kontroli altında olğan Aqyar ukümetiniñ vekili Vladimir Kolesnikov, milliy cemiyetlerni Rusiye ukümetinen daa sıqı surette emekdaşlıq yapmağa, grantlar almaq içün muracaat etmege, türlü leyhalarda iştirak etmege davet etti.
Yunan cemiyetiniñ aveskâr artistleri yunanlarnıñ qurtulış mucadelesi aqqında spektaklni kösterdiler.
Bayramda olğanlarğa Rusiye ve Yunanistan bayraqları ile «Tavrida» gazetasınıñ nushaları berildi.
Yunanistannıñ milliy ğayrıdan doğuv künü bayramı, yunanlarnıñ dört yüz yıllıq Osmanlı idaresinden azat olğanlarınıñ hatırasına qayd etile. Yunanlar bu künde adet üzre 1821-1829 senelerindeki inqilâpta elâk olğanlarnı añalar.
