Rusiye silâlı quvetleri ilhaq etilgen Qırımda ve ondan ğayrı Gürcistannıñ eki separatist bölgeleri – Abhaziya ve Cenübiy Osetiyada keniş mıqyaslı talimlerni başladılar. Talimlerge qararnen sekiz biñ arbiy hadim ve olardan ğayrı raketa tertibatları, top sistemaları ve diger silâ çeşitleri celp etildi. Bunı Azatlıq Radiosı bildire.
Arbiy talimler mart 19-da, Putin özüne yañı altı yıllıq vazifede bulunuv muddetini temin etken saylavdaki rey berüvden soñ ekinci künü başlandı.
Qırım 2014 senesinde ilhaq etilgen soñ Rusiye, yarımadada yerleştirilgen qısımlarınıñ Cenübiy arbiy okrugnıñ orduları ile birlikte yapılğan bir çoq ortaq talimlerini yaptırdı.
Ondan ğayrı, Rusiye quvetleri, Moskva tarafından 2008 senesinde Gürcistanğa qarşı yapqan beş künlük cenkinden soñ mustaqil devletler olaraq tanılğan ve dünya tarafından Gürcistan territoriyasınıñ qısımları deye qabul etilgen Abhaziya ve Osetiyada mevcüdiyetini temin eteler.
