Almaniyanıñ Tış işleri nazirligi ilhaq etilgen Qırımda Rusiye saylavınıñ ötkerilmesi arfesinde «Qırım Ukrainağa ait», dep bildirdi.
Tış siyaseti muessisesiniñ Twitterdeki bildirüvinde: «Halqara uquqnıñ bozulıvı ile yapılğan Qırımnıñ ilhaqından soñ dört yıl keçse bile, iç şübhesizdir ki: Qırım Ukrainağa ait», – denile.
Ukrainanıñ Almaniyadaki elçisi Andrey Melnik kene de Twitterde Almaniya TİNine «açıq bir beyanat ve federal ukümetiniñ Qırımnıñ reintegratsiyasında qol tutuvı» içün minnetdarlıq bildirdi.
Rusiye ukümeti mart 18-de ilhaq etilgen Qırımda Rusiye prezidenti saylavını ötkermek istey. Onda sekiz namzet iştirak etecek – Sergey Baburin, Pavel Grudinin, Vladimir Jirinovskiy, Vladimir Putin, Kseniya Sobçak, Maksim Suraykin, Boris Titov ve Grigoriy Yavlinskiy.
Fevral 16-da Ukraina prezidenti Petro Poroşenko dünya toplulığını ilhaq etilgen Qırımda kelecekteki Rusiye prezidenti saylavınıñ neticelerini tanımamağa davet etti.
İlhaq etilgen Qırımda Rusiye prezidenti saylavınıñ tanılmaması aqqında ABniñ tış işleri ve telükesizlik siyaseti boyunca Yüksek temsilcisi Federika Mogerininiñ beyannamesinde bildirile.
