Link açıqlığı

Saatnıñ esas haberi

Moskvada qırımtatarlarğa qol tutuv piketleriniñ teşkilâtçıları saylavnı boykot etmek niyetindeler – faaliyetçi


Faaliyetçi Vera Lavreşina «Strategiya-18»niñ tedbirlerinden birinde, Moskva
Faaliyetçi Vera Lavreşina «Strategiya-18»niñ tedbirlerinden birinde, Moskva

Er ay qırımtatarlarğa ve Qırım işğaliniñ eñ qısqa vaqıtta toqtatılmasına qol tutmaq maqsadınen açıqtan yapılğan tedbirlerge çıqqan «Strategiya-18» birleşmesiniñ Moskvadaki faaliyetçileri, 2018 senesi mart 18-ge tayin etilgen saylavnı boykot etmek niyetindeler. Bunı Qırım.Aqiqatqa faaliyetçileriniñ biri, Vera Lavreşina bildirdi.

O, adaletli saylavğa inanmağanını bildirdi.

Faaliyetçi: «Rey nasıl berilecek, muim degil, muimi, bunı nasıl sayacaqlar» printsipi deñişmey. İç bir yerde, bu sayuvlarnıñ iç bir basamağında aqiqiy kontrol yoq ve olmaq mumkün degil. Çünki bizim esamemizni oqumaylar. Biz bu, bizmki degil de, hırsızlanğan Qırım, qanı aqıp turğan Donbass, hlor gazı ile zeerlengen Şarqiy Gutası olğan olarnıñ ülkesinde kimse degilmiz. Oyle ise, «saylav»nıñ nasıl kontroli aqqında söz yürsetmek mumkün!», – dedi.

Lavreşina, faaliyetçilerniñ yalıñız ufaq qısmınıñ bu fikirge qatılğanını qayd etti. Bir çoqları, sahtecilikke yol bermemek içün saylavda iştirak etmege qarar berdi.

«Strategiya-18» iştirakçisi: «Bu şübheli ketişatnıñ közeticisi olaraq baracaq dostlarımıznıñ bir qısmı, ihtimal ile, özleriniñ faydalı işini yapacaqlar. Olarnıñ qolunda bozuluvlarnıñ aqiqiy delilleri olacaq. Kelecekte böyle statistika işke yarar. Rey berecek ve boykot etecek faaliyetçilerniñ faiz olaraq nisbetini aytmaq qıyın. Maña köre, er vaqıt olğanı kibi – yarı yarısına», – dep, ilâve etti.

Fevralniñ soñunda Moskva ve Sankt-Peterburgda Kremlniñ Rusiye prezidenti saylavını ilhaq etilgen Qırımda keçirmek niyetine qarşı bir kişilik piketler ötkerildi.

Sankt-Peterburg ve Moskvadaki Rusiye faaliyetçileri, qırımtatarlarnıñ 1944 senesi mayıs 18-de sürgün etilüvi hatırasına «Strategiya-18» adlı muddetsiz tedbir içün birleştiler. Er aynıñ 18-nci kününde faaliyetçiler, ilhaq etilgen Qırımdaki vaziyet aqqında ikâye etmek ve Rusiye cemaatçılığına insan aq-uquqları ve ürriyetleriniñ bozuluvı vaqiaları aqqında haber bermek içün şeerniñ soqaqlarına çıqalar.

Rusiye prezidentiniñ saylavı 2018 senesi mart 18 kününe – Qırımnıñ Rusiye tarafından ilhaqınıñ yıllığına tayın etildi. Onda sekiz namzet iştirak etecek – Sergey Baburin, Pavel Grudinin, Vladimir Jirinovskiy, Vladimir Putin, Kseniya Sobçak, Maksim Suraykin, Boris Titov ve Grigoriy Yavlinskiy.

Fevral 16-da Ukraina prezidenti Petro Poroşenko dünya toplulığını ilhaq etilgen Qırımda kelecekteki Rusiye prezidenti saylavınıñ neticelerini tanımamağa davet etti.

XS
SM
MD
LG