Link açıqlığı

Saatnıñ esas haberi

Qırımtatar halqı lideri, Ukraina halq deputatı Mustafa Cemilevniñ ailesinde qız torunı doğdı. Qız mart 13-te saar vaqtında Kyivde dünyağa keldi. Aile mart 15, cumaertesi künü onıñ loqsahaneden tantanalı surette çıqarılmasına azırlana. Bunı Qırım.Aqiqatqa Mustafa Cemilevniñ ömür arqadaşı Safinar ikâye etti.

Safinar: «Adını Meryem qoydıq. O, eñ dülber, eñ aqıllı şehzade. O, Kyivde dünyağa keldi. Babası ise Yakutiyada, sürgünlik yerinde doğdı. Torunımız da Qırımnıñ tışında doğdı. Biz, balalarımıznıñ bahtı içün küreşimizni devam etmege azırmız, ve Qırımnı azat etecekmiz», – dedi.

Mustafa Cemilev milliy lider statusını, qırımtatar halqınıñ aqları oğrunda küreşkeni içün aldı. O, 1966-1983 seneleri arasında sovet ukümeti tarafından taqip etile edi. Mustafa Cemilev altı kere tevqif etildi. Yedi kere mahküm etildi. «Sovet qurumını yamanlağan baqışlarnıñ darqatılması içün» apiste 15 yıl keçirdi. 1975-1976 seneleri arasında Omsk apishanesinde 303 künlük açlıq yaptı. Azatlıqqa 1986 senesinde çıqtı.

Джемилев: Крым обязательно будет освобожден (видео)
Bekleñiz, lütfen

No media source currently available

0:00 0:00:44 0:00

​1991-2013 seneleri arasında Mustafa Cemilev Qırımtatar Milliy Meclisiniñ reisi edi. Ukraina Yuqarı Radasınıñ III-VII çağırışlarında halq deputatı edi. 2014 senesiniñ noyabrinden başlap, VIII çağırışnıñ Ukraina halq deputatı. Ukraina parlamentindeki bütün müddetleri esnasında bir de bir fırqanıñ azası degil edi.

2014 senesi ağustos 20-de Ukraina prezidenti Petro Poroşenkonıñ 657/2014 nomeralı fermanı ile Ukraina prezidentiniñ qırımtatar halqınıñ işleri boyunca vekili vazifesine tayin etildi.

2014 senesiniñ mayısında Mustafa Cemilev Qırımnıñ Rusiye akimiyeti tarafından persona non grata ilân etildi. Onıñ içün Qırımğa kirüv beş yılğa yasaq etildi.

XS
SM
MD
LG