Rusiye prezidenti Vladimir Putin mart 14-te, ilhaq etilgen Qırımğa kelmek niyetinde.
Kremlniñ matbuat hizmetiniñ bildirgenine köre, Putin «iş ziyareti» esnasında qurulmaqta olğan Keriç köprü ve «Simferopol» ava limanınıñ yañı aerovokzal kompleksini körip, Aqyarnı ziyaret etecek.
Kremlniñ matbuat hizmeti, köpürniñ qurucılığına 10 biñden ziyade işçi celp etilgenini, grafik boyunca Keriç köprüniñ avtoyol qısmınıñ işletmege teslim etilmesi 2018 senesiniñ dekabrine ve demiryol qısmınıñ – 2019 senesiniñ soñuna planlaştırılğanını bildirdi.
Kremlde, Putin tarafından ziyaret etilecek «Simferopol» ava limanında işlerni 2018 senesiniñ yazına qadar bitirmek planlaştırğanlarını bildirdiler.
Rusiye prezidenti Vladimir Putin Keriç boğazından keçit qurmaq niyeti aqqında Qırımnıñ işğalinden aman soñra, 2014 senesiniñ martında ilân etti. Köpürni 2018 senesine qadar qurmağa ve 2019 senesiniñ yazında işletmege açmağa vade ettiler.
Ukraina tarafı Rusiye ile köpürniñ qurulması aqqında añlaşmadan2014 senesinde – Qırım Rusiye tarafından ilhaq etilgen soñ çıqtı.
Putin ne sebepten Rusiye prezidenti saylavından evel Qırımnı ziyaret etmege qarar bergeni aqqında tafsilâtlıca Qırım.Aqiqat materialında oquñız.
