Link açıqlığı

Saatnıñ esas haberi

Harvard professorı: «Rusiyeden kelgen telüke eksilmedi»


Serhiy Plohiy, Ukraina tarihı professorı ve Harvardda Ukraina ilmiy institutınıñ mudiri

Rusiyeniñ Ukrainada tecavuzı ayıruv ve bir-birine qarşı qoyuv printsipleri üzerinde quruldı, ve şimdi bu telüke eksilmedi.

Bunı Azatlıq Radiosı içün bergen intervyüde 2018 senesi Şevçenko mukâfatınıñ laureatı, Harvard universiteti yanındaki Ukraina ilmiy institutınıñ mudiri Serhiy Plohiy söyledi.

Alim: «Rusiye tecavuzınıñ temelinde, bizni ukrainler ve ruslar, rus tilinde laf etkenler ve ukrain tilinde laf etkenler, yeudiyler ve tatarlarğa ayırmaq maqsadı tura. Bugün telüke eksilmedi, lâkin o, daa az derecede aktual olaraq tasavur etile. Ve Meydan vaqtında peyda olğan alyans şimdi pek ciddiy sınavdan keçe», – dedi.

Plohiyniñ aytqanına köre, Ukraina cemiyeti etnik, diniy, medeniy ve lisaniy sıñırlarını keçip, mobilizatsiya etkeni içün bugün Ukraina dünyada bar. Onıñ zan etkenine köre, devletniñ saqlanıp qalması, «er kün dialog ve kompromisslerniñ qıdırıluvı» ile alâqalıdır.

Harvard universiteti yanındaki Ukraina ilmiy institutınıñ mudiri Sergey Plohiy «Vrata Yevropı» («Avropanıñ yol qapıları») kitabı içün publitsistika saasında 2018 senesi Şevçenko mukâfatını aldı. O, Ukraina ve şu cümleden qazaqlar tarihı boyunca bir çoq tetqiqatnıñ ve ondan ğayrı ingliz tilinde laf etken oquyıcılarğa Ukrainanıñ keçmişi ve bugüni aqqında ikâye etken ilmiy populâr neşirlerniñ muellifidir.

XS
SM
MD
LG