Link açıqlığı

Saatnıñ esas haberi

Krımstat: Qırım sakinleriniñ ortalama aylığı 6%-ge arttı


2017 senesinde Qırım sakinleriniñ ortalama maaşı 6%-ge arttı. Bunı, Kremlniñ kontroli altında olğan Krımstat (Federal devlet statistikası hizmetiniñ Qırım ve Aqyar şeeri boyunca idaresi) tarafından azırlanğan ilhaq etilgen Qırımnıñ içtimaiy-iqtisadiy inkişafınıñ ilk neticeleri tasdiqlaylar.

Bildirüvde: «2016 senesi ile qiyas etilgende maaş 6%-ge arttı», – denile.

Qırım sakinleriniñ ortalama aylığı 26,3 biñ rubleni (12,1 biñ hrivnanı – QA) teşkil etti. Qomşu Rusiyedeki Cenübiy federal okrugınıñ subyektleri arasında ilhaq etilgen Qırım altıncı yer aldı (CFO boyunca ortalama maaş – 28 563 ruble (13,2 biñ hrivna – QA), Rusiye boyunca – 39 biñ ruble (qararnen 18 biñ hrivna – QA). Eñ çoq maliye ve sigorta saası (orta esapnen – 52,8 biñ ruble (24,4 biñ hrivna – QA), ve faydalı qazıntılarnı çıqaruv saasınıñ (43,2 biñ ruble (qararnen 20 biñ hrivna – QA) hadimleri qazanalar.

Bildirüvge köre, Qırımda iqtisadiy ceetten faal ealiniñ sayısı 915,5 biñ kişi, ya da bütün ealiniñ 64,4%-ni teşkil ete. İşsizlik nisbeti – 6,4% (2016 senesinde – 6,8%). İşsizlerniñ 623%-i – qadınlar, 62,2%-i köyde yaşaylar.

Halqara teşkilâtlar Qırımnıñ işğali ve ilhaqını qanunsız tanıp, Rusiyeniñ areketlerini taqbih ettiler. Ğarp ülkeleri bir sıra iqtisadiy sanktsiyalarnı tatbiq etti. Rusiye, yarımadanı işğal etkenini red etip, buña «tarihiy adaletniñ tiklenüvi», dey. Ukrainanıñ Yuqarı Radası 2014 senesi fevral 20 kününi, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.

XS
SM
MD
LG