Hersonda açıq 2018 senesi Qırım MC Futbol federatsiyası kubogı» mart 12-19 künleri arasında keçecek. Bunı martnıñ 5-nde Qırım.Aqiqatqa Aqmescit «Tavriya»sınıñ baş mudiri Aleksey Kuçer bildirdi.
Kuçer: «Klublar episi başlamağa azır. Er birine yañı oyun taqvimi yollandı. Er şey ilân etildi. Umüt etemiz ki, er şey eñ yüksek seviyede keçecek ve taqımlar bu turnirden memnun qalırlar. Bu sene turnir daa gürdeli olacaq», – dedi.
Daa evel, mart 1-9 künlerinde ötkerilmesi planlaştırılğan açıq «2018 senesi Qırım MC Futbol federatsiyası kubogı»nıñ ava vaziyetiniñ bozulması sebebi ile belli olmağan vaqıtqa avuştırılması aqqında bildirildi.
Fevralniñ 20-sinde Kyivde, qazanılması içün sekiz taqım yarışacaq olğan açıq «2018 senesi Qırım MC Futbol federatsiyası kubogı»nıñ jerep çekilmesi yapıldı.
Jerep çekilmesiniñ neticesinde taqımlar eki gruppağa ayırıldı. «A» gruppası: Aqmescit «Tavriya»sı, Mıkolayiv «Sudostroitel»i, Askaniya-Nova «Kolos-OTG»si ve Novotroitsk «Tavriya»sı. «B» gruppası: Nova Kahovka «Energiya»sı, Gornostayevka « Mir»i, Novomıkolayivka «Drujba»sı ve Herson «Kristall»ı.
Gruppalardaki yarışlar daire sisteması boyunca keçecekler. Gruppalarnıñ ğalipleri finalda, gruppalarda ekinci olğanlar 3-nci yer içün oynacaqlar.
2017 senesi iyün 21-de «Tavriya» futbol klubu Ukrainanıñ Ekinci ligasında oynamaq içün attestatsiya etildi.
Qırımnıñ Rusiye tarafından ilhaqından evel «Tavriya» Ukrainanıñ Premyer-ligasında oynay edi.
2016 senesiniñ ağustosından başlap Ukrainanıñ qıtadaki qısmında Qırım Futbol federatsiyası ğayrıdan çalışıp başladı.
