Link açıqlığı

Saatnıñ esas haberi

SBU: Kyivde ecnebiy terroristler içün Qırımda qayd etilüv ile sahte Ukraina pasportlarını yasay ediler


Ukraina Telükesizlik hizmeti (SBU) Kyivde, cümleden terorristik faaliyetke alâqası olğan çetel vatandaşlarını ülkemizde qanunsız olaraq qanuniyleştirüv shemasını toqtattı, dep iddia ete.

SBU matbuat merkeziniñ bildirgenine köre, cinayetçiler, daa soñra biometrik parportlarnı almaları içün «müşteriler»ne Ukraina vatandaşları – Qırım Muhtar Cumhuriyeti sakinleri pasportlarını temin ete ediler.

Bildirüvde: «Sahte vesiqalar yasalğan laboratoriyada tintüv vaqtında mahsus hizmetniñ hadimleri AB sıñırını keçüv aqqında «tarih ştampları», SNG devletlerinden biriniñ migratsion kartaları, arap devletleriniñ vizalarını taptılar. Ondan ğayrı, cinayetçilerden Devlet migratsiya hizmetiniñ ştampları, Ukraina vatandaşı – Qırım MC sakini pasportları, devlet içinde köçürilgen şahıslarnı qaydğa aluv aqqında vesiqalar ve uquq bozucı faaliyette qullanılğan diger malzemeler ve donatmalar tutıp alındı», – denile.

SBUnıñ malümatına köre, Ukraina Cinaiy kodeksiniñ 258-3 maddesi ve 332 maddesiniñ 2-nci qısmına muvafıq olaraq cinaiy iş açıldı. İşniñ beş figurantına cinayet işlemelerinden dolayı şübheli olğanları aqqında ilân etüvge dair mesele çezile.

Mahsus hizmette, cinaiy gruppanıñ diger iştirakçileri ve halqara terroristik ve ekstremistik teşkilatlarınıñ temsilcilerini tayin etüv boyunca tahqiqatnıñ operativ areketleri devam ete, dep ilâve ettiler.

XS
SM
MD
LG