Link açıqlığı

Saatnıñ esas haberi

Kefede qırımtatar faaliyetçisi Suleyman Kadırovğa qarşı mahkemeniñ devamını bekleyler – «Qırım birdemligi»


Suleyman Kadırov
Suleyman Kadırov

Kremlniñ kontroli altında bulunğan Kefe şeer mahkemesinde yanvarniñ 22-sine separatizmde qabaatlanğan qırımtatar faaliyetçisi Suleyman Kadırovnıñ işi boyunca mahkeme oturışuvnıñ devamı planlaştırıldı.

«Qırım birdemligi» birleşmesiniñ bildirgenine köre, mahkemeniñ oturışuvı saba saat 10-ğa tayin etildi.

2017 senesi dekabrniñ 20-sinde keçken mahkeme oturışuvında advokatlar tahqiqatta qalplıq etilgeni aqqında bildirdiler.

Rusiye telükesizlik hadimleri 2016 senesi oktâbrniñ 5-nde qırımtatar faaliyetçisi Suleyman Kadırovnıñ evine tintüv etmek içün keldiler. Tintüv esnasında evinden noutbuk ve telefon alındı. Kadırov, Rusiye sıñırlarını tanımamağa davet etkeninden ve «Asker» cemiyet birleşmesine qol tutqanından şubheli tanıldı.

2016 senesi oktâbrniñ 11-nde Kadırovğa qarşı «separatizm» şübhesi ile cinaiy iş açıldı. 2017 senesi aprelinde Rusiyeniñ maliye monitoringi boyunca hizmeti Kadırovnı ekstremistler ve terroristler cedveline kirsetti.

Kadırov özü bu cinaiy işke, onıñ cemiyet içinde faal surette ifadelegen noqtai-nazarı ve aq-uquqnı qorçalav saasındaki faaliyetlerine qarşı mahsus hizmetlerniñ profvakatsiyası, dey.

Rusiye tarafından ilhaqından soñ Qırımda mustaqil jurnalistler, cemiyet faaliyetçileri, qırımtatar milliy areketiniñ faaliyetçileri, Qırımtatar Milliy Meclisiniñ azaları ve Rusiyede yasaq etilgen «Hizb ut-Tahrir» teşkilâtına alâqası bar dep şübhe altında tutulğan Qırım musulmanlarınıñ evlerinde ketken sayın daa sıq surette tintüvler yapıla.

XS
SM
MD
LG