Link açıqlığı

Qırımnıñ İslâm-Terek qasabasında faaliyetçilerniñ cöremelerini tölemek içün qararnen 8 biñ ruble topladılar


İslâm-Terek qasabasında «Qırım marafonı» areketi çerçivesinde Qırım mahkemeleri tarafından izinsiz yapılğan piketlerde iştirak etüv için qabaatlı tanılğan faaliyetçilerniñ cöremelerini tölemek içün 7 920 ruble (3 770 hrivna – QA) toplandı.

Bunı qırımtatar faaliyetçisi Alimdar Bilâlov bildire.

«Qırım birdemligi» birleşmesiniñ malümatına köre, Kremlniñ kontroli altında bulunğan Canköy rayon mahkemesi Lenur Kerimovğa 15 biñ rublelik cöreme tayin etti, Fevzi Abduramanov üstüne 10 biñ rublelik cöreme yazıldı. Ayder Suleymanov ve Remzi Kutuzovnıñ işleri boyunca oturışuvlar dekabrniñ 19-na keçirildi.

Daa evel «Qırım birdemligi», tevqifler ve tintüvlerge narazılıq bildirmek maqsadınen bir kişilik piketlerge çıqqan qırımtatar faaliyetçilerine cöremeler tayin etken mahkemelerniñ binaları yanında 10 rublelik maden aqçalarınıñ toplanması başlanğanını bildirgen edi.

Dekabrniñ 18-nde Qırımda, daa evel tintüvler ve tevqiflerge cevaben bir kişilik piketlerge çıqqan qırımtatarlarğa qarşı 70-ke yaqın mahkeme oturışuvı ötkerilmekte. Faaliyetçilerge qarşı, tayin etilgen piket ötkerüv tertibiniñ bozulması munasebeti ile (Rusiyeniñ Memuriy tertip bozuv aqqında kodeksi, madde 20.2, 5-nci qısım) memuriy protokollar tizildi.

Mahkeme oturışuvları, cümleden, Aqmescit, Canköy, Aluşta, Suvdağ ve bunıñ kibi de İçki, İslâm-Terek, Qarasuvbazar ve Qurman rayonlarında ötkerilmekte. İçki işler nazirliginiñ Qırım boyunca ekspertiza merkezi tarafından «piketler bir maqsat, bir niyet ve umumiy teşkil etilüv ile birleştirileler» şeklinde çıqarılğan hulâsa, qabaatlav tarafınıñ baş delili olaraq qabul etilmekte.

Qırımda oktâbrniñ 14-nde, Rusiye tarafından ilhaq etilgen yarımadada telükesizlik hadimleriniñ qırımtatarlarğa, musulmanlarğa qarşı repressiyalarına narazılıq köstermek maqsadınen bir sıra bir kişilik piketler ötkerildi.

Rusiye tarafından ilhaqından soñ Qırımda mustaqil jurnalistler, cemiyet faaliyetçileri, qırımtatar milliy areketiniñ faaliyetçileri, Qırımtatar Milliy Meclisiniñ azaları ve Rusiyede yasaq etilgen «Hizb ut-Tahrir» teşkilâtına alâqası bar dep şübhe altında tutulğan Qırım musulmanlarınıñ evlerinde ketken sayın daa sıq surette tintüvler yapıla.

XS
SM
MD
LG