İlhaq etilgen Qırımda 92 yaşında Qırımtatar Milliy Qurultayınıñ Teftiş komissiyası reisi Ali Ozenbaşlınıñ babası Asan ağa keçindi.
Bunı noyabrniñ 28-nde Facebookta Qırımtatar Milliy Qurultayınıñ reisi Refat Çubarov yazdı.
«Cenaze merasimi yarın, noyabr 29 künü, saat 14.00-de Aqmescit şeerindeki Abdal mezarlığında keçirilecek», – dep bildirdi Çubarov.
Bu malümatnı qırımtatar milliy areketiniñ faaliyetçisi Nariman Celâlov da tasdiqladı.
Qırımtatar Milliy Qurultayı – milliy toplaşuv, qırımtatar halqınıñ yuqarı temsiliy vekâletli organıdır.
