Ukrayina akimiyeti Türkiyeden Qırımdan kelgen arpa taşığan gemini tevqif etmesini istey, dep yaza The Wall Street Journal.
Neşirniñ haber etkeni kibi, söz Panamı bayrağı altında Samsun Türkiye kara deñiz limanına kelip çıqqan Bomustafa O gemisi aqqındadır. Gemide 19 biñ tonna arpa bar edi eken. Bir qaç kün evelsi Ukrayina prokuratırası Türkiye akimiyet organlarına yazıp, geminiñ tevqif etilmesini isedi. Sebep arpanıñ işğal etilgen Qırım limanından kelmesidir.
Qırım.Aqiqat mühbirleri zahireniñ Ukrayina qıtasından işğal etilgen Qırımğa ketirilgenini defalarca qayd etken edi. Bundan ğayrı, Qırım.Aqiqat Aqyardaki zahire terminalında gemilerniñ yüklengeni aqqında da defalarca haber etken edi.
Rusiye akimiyet organlarınıñ temsilcileri zahireniñ Ukrayinanıñ işğal etilgen topraqlarından ilhaq etilgen yarımadağa ketirilgenini açıq şekilde tasdıklağan ediler.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
