Ukrayına prezidenti Volodımır Zelenskıy Rusiye raketası Zaporijjâdaki çoq qatlı evge ücüm etti, dep bildirdi.
«Zaporijjâ. Şimdi Rusiye raketası çoq qatlı binağa ücüm etti. Rusiye canavar bir sertliginen şeerge ateş aça. Adiy insanlar, balalar yaşağan mesken yerlerge ücüm ete. Terrorist memleket şeerlerimiz, devletimiz, insanlarımıznı yoq etmege tırışa», – dep yazdı o, Telegramda.
«Bu Ukrayınada, Avropada ya da dünyada başqa bir yerde «adiy bir kün» olmamalı. Dünya daa çoq birlik ve qararlı olmalı, Rusiye terrorı tez vaqıtta yeñilmeli ve ayat qurtarılmalı», – dep qoştı Zelenskıy.
Ukrayına prezidentiniñ ofis yolbaşçısı Andriy Yermak Rusiye Zaporijjâğa ateş aça, dep bildirdi. «Duşmannıñ ateşi altında – mesken yerler, Hortıtsâ adası», – dep yazdı o, Telegramda.
Yaralanğanlar aqqında malümat yoq.
Büyük istilâ başlağanından berli bir sıra delil ve şaatlıqqa baqmadan, Moskva vatandaşlarğa ücüm etkenini inkâr ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
