Ukrayina prezidenti Volodımır Zelenskıy Beyaz Saray yolbaşçısı Donald Trumpneyen telefon subetini keçirdi. Ukrayina lideri bildirgenine köre, o, Amerika zenaatdaşına "ceennem sanktsiyaları" qanunını tasdıqlağanı içün teşekkürler bildirdi ve New Yorkta körüşüv keçirmege añlaştı.
Zelenskıy Trumpqa mahsus vekili Steve Witkoff ve Jared Kushnerniñ Kyiv ziyareti ve Lindsey Grahamnıñ "ceennem sanktsiyaları" qanun leyhasını imzalağanı içün teşekkürler bildirdi.
"Bizim kerginlikni toqtatuv adımları ve temel telükesizlik meselelerinen bağlı ğayelerimiz bar – energetika, aşayt, insanlarnıñ ayatını qorçalav. Amerika taqımınen beraber çalışıp, kerçekten ciddiy adımlar atmağa azırmız", – dep yazdı Zelenskıy.
"Ceennem sanktsiyaları" qanun leyhası ABD prezidentine Rusiye reberligi, büyük iş adamları, yaqarlıq-energetika saasınıñ müessiseleri, bank, kölge flotu ve gümrük bergisinen bağlı sanktsiyanı kirsetüv ve sertleştirüv keniş vekâletlerini bere. Prezidentniñ Rusiyeden eñ büyük cermay ital eticileriniñ mallarına 100%-ğa qadar bergi kirsetmege aqqı bar – olarnıñ arasında İndistan ve Qıtay. Prezident bu vekâletlerinden faydalanamay bile, sanktsiyalarnıñ kirsetilüvi qanunda olsa, olar içün istisna ilân ete bile.