Link açıqlığı

Saatnıñ esas haberi

Volodımır Zelenskıy: bütün cebede sert bir tirenüv devam ete


Volodımır Zelenskıy
Volodımır Zelenskıy

Ukrayına prezidenti Volodımır Zelenskıy bildirgenine köre, Ukrayınada aman-aman bütün cebede sert bir tirenüv devam ete.

«Bugün informatsion körünişni şekillendirgen insanlarımızğa muracaat etmege isteyim. Lütfen, bütün cebede sert bir tirenüv olğanını köriñiz ve diqqat celp etiñiz. Faal uruş areketleriniñ 1300 kilometri. Cebeniñ bir qısmı aqqında çoq aytsalar, başqasını unutsalar, adaletsiz ola. Askerlerimiz bir çoq yönelişte tam qaramanlar ola», – dedi Zelenskıy sentâbrniñ 6-nda yapqan muracaatında.

O, em Donbasta, em Harkiv vilâyetinde, em Zaporijjâ vilâyetinde, em cenüpte, em memleketniñ şimali ve şarqında sıñır rayonlarında «devletniñ qorunması aynı samimiy ve ciddiy diqqatqa muhtactır».

Ukrayına Silâlı quvetleriniñ Baş ştabı bildirgenine köre, Mudafaa quvetleriniñ bölükleri «alğan mevzilerni tuta ve duşmanğa Ukrayınanıñ içine kirmege imkân bermey».

Britaniya istihbaratı Rusiye ordusınıñ esas ğayreti Donbas istilâsı qala, dep bildirdi.

Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.

Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.

Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.
XS
SM
MD
LG