Ukrayina prezidenti Volodımır Zelenskıy cenk başlağanından 55 000 Ukrayina askeri elâk oldı, dep bildirdi. Bu aqta o, France 2 intervyüsında ayttı.
İntervyü soñunda Ukrayina prezidentinden cebede ukrayinalılarnıñ ölüm sayısını soradılar.
"Ukrayinada resmiy şekilde uruş meydanında elâk olğan arbiylerniñ sayısı, şu cümleden seferber etilgenlerniñ 55 000 ola", — dedi Zelenskıy, dep bildire Le Monde.
O, "Ukrayina ğayıp olğan olaraq sayğan insanlarnıñ sayısı da büyük", dep qoştı.
Ukrayina Silâlı quvetleriniñ Baş komandanı Öleksandr Sırskıy bu yıl yanvarniñ 13-nde 2025 senesi Ukrayina Silâlı quvetlerinde arbiylerniñ ölüm seviyesi 13% eksildi, dep bildirdi. Ukrayinanıñ ğayıplarınen bağlı tafsilâtlar aydınlatılmadı.
2025 senesiniñ başında Zelenskıy NBC News intervyüsında 2022 senesiniñ fevral ayından başlap Ukrayinadaki cenkte 46 biñden ziyade asker elâk oldı ve tahminen 380 biñ kişi yaralandı, dep bildirdi.