Kreml nezareti altındaki Yalta memuriyeti şeer şirketleri ve hızmetleri vastasınen, qanunsız reklama yapılarınıñ yıqmağını devam etecek. Bunıñ aqqında şeer memuriyeti başınıñ muavini Konstantin Şimanovskiy haber etti.
“500-den ziyade reklama yapılarınıñ qullanma müddeti daa aprel ayında bitti, amma vicdansız qullanıcılar Qırım Akemlik mahkemesine muracaat etip, aselet yapılarnıñ sökülüvini uzattıra. Şimdiki vaqıtta, yıqma areketlerini toqtatqan mahkeme qararı lâğu etildi ve biz kene bu obyektlerniñ yoq etmesini devam etecekmiz”, - qayd etti o.
Şimanovskiy hatırlattı ki, daa aprelniñ 16 reklama yapılarınıñ saiplerine bir ay devamında olarnı öz ihtiyarınen yoq etmege teklif etildi. Amma, onıñ malümatına köre, 55 saipten tek 20 bu talapnı yerine ketirdi.
“Vicdansız iş adamları ise, reklama yapılarınıñ qullanmasını devam etti ve ticariy reklamanı anda yerleştire edi”, - dedi o.
Mecburiy sökülüvniñ masrafları da yapılarnıñ saiplerinden alınacaq dep daa qayd etti Şimanovskiy.
