Sıñırlav tedbirlerine ve izolâtsiya rejimine baqmadan, Yalta akimiyeti kurort mevsimine azırlana.
Bunı şeer memuriyetiniñ başı İvan İmgrunt haber etti.
"Yüksek azırlıq rejiminiñ sıñırlavlarına baqmadan, mayısnıñ 1-inde Yalta turistlerni qabul etmege azır olmalı, atta olar kelmese bile", - dedi memuriyet başı.
Bundan gayrı o qoştı ki, şimdi yol teşikleriniñ tamirlevi, çeçekliklerniñ abadanlaştıruvı, plâjlarnıñ azırlaması içün kelişken vaqıttır.
Люди в масках и дезинфекция улиц: что происходит в карантинной Ялте (фотогалерея)
Qırımda özüni izolâtsiya etüv rejimi aprelniñ 30-na qadar, Aqyarda ise aprelniñ 12-ne qadar uzatıldı.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
