Aqmescitte Ev ayvanları besleme qaidelerini tasdıqladılar. Bu vesiqa, Kreml nezareti altındaki Aqmescit şeer şurasınıñ oturuşında qabul etildi.
Qaidelerde, ev ayvanlarını beslenme, kezindirme, qayd etme, taşınmasına ve evsiz ayvanlarnı yaqalama talapları belgilengen.
Hususan, köpeklerniñ, saat 23:00-ten saat 7:00-gece ses çıqarması yasaqlandı, bundan ğayrı bala bağça, mektep, hastahane, stadion, bala ve sport meydançıları, çoq adam toplaşqan yerler ve mezarlıqlarda yürmesi yasaq etildi.
“Bu normativ aktınıñ qabul etilmesi, ev ayvanları beslemesiniñ sanitar-gigiyenik, veterinar-sanitar qaide ve normalarına riayet etüvni temin etmege imkân bere. Bundan ğayrı, adamlarnıñ ve uquqiy şahıslarnıñ sağlıq ve mülküne zarar ketirmekten qorçalamaq, hastalıqlarnıñ peyda oluv ve tarqalmasını kestirmek şartları yaratılacaq”, - dep aytıldı memuriyette.
Evel haber etildi ki, Aqyarda (Sevastopol) quş, domuz, mışıq, köpeklerniñ bedava vaktsinatsiyası devam etmekte. Şeerniñ resmiy saytında vaktsiyantsiya cedveli yerleştirilgen.
