Yerli sakinlerge atıf etip, "Krımskiy veter" gazeti bildire ki, yüksek sesler Aqyar ve Canköy rayonlarında eşitildi. Telegram-kanalnıñ bildirgenine köre, Aqyarda RF ordusınıñ arbiy qısımlarında ava telükesi ilân etildi.
Rusiye Mudafaa nazirligi, öz nevbetinde, gece Qırım üzerinde üç uçucısız uçaq yaqalandı, dep bildirdi. Rusiye akimiyetiniñ beyanatları mustaqil şekilde tasdıqlanmalı.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksenov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi. Yarımadada yüksek (sarı) terror telükesi seviyesi devam ete. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
