Rusiye işğal etken Herson vilâyetiniñ Skadovsk şeerinde bazarertesi künü Herson vilâyetindeki Rusiye memuriyeti yolbaşçısınıñ birinci muavini Vitaliy Bulük bulunğan maşina patlatıldı. «İnterfaks» Rusiye agentligi bildirgenine köre, maşina aydavcısı o yerde can berdi. Bülük yaralandı ve Qırımdaki hastahanede orta seviyeli alda buluna. Maşina yandı.
Herson vilâyetindeki Rusiye sağlıq naziri Vadim İlmiyev Bulükniñ sağlıq vaziyeti aqqında jurnalistlerge tarif etip, onıñ malümatına köre, maşina mayında patladı, dep bildirdi. Ukrayına Cemaat yayınlayıcısı şaatlarnıñ malümatına esaslanıp, patlav Bülükniñ evi yanında, o, aydavcınen beraber maşinada oturğanda oldı, dep bildire.
Herson vilâyetindeki Rusiye memuriyetiniñ saytında qayd etilgenine köre, Vitaliy Bülük iqtisadiyat, maliye-bücet siyaseti, köy hocalığı, kelip ve bergi meselelerini idare ete. 2015 senesine qadar Herson gümrük hızmetiniñ reberi edi, soñra lüstratsiya sebebinden işten boşatıldı. Herson vilâyetindeki Rusiye memuriyeti yolbaşçısınıñ muavini vazifesine mayısta tayin etilgen edi.
Rusiye kontrol etken Ukrayına topraqlarında Moskva tayin etken memurlarğa muntazam sürette suiqast etile, bazıları öldürildi. Rusiye Ukrayınanı qabaatlay, Kyiv resmiy şekilde boynuna mesüliyet almay.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
