Rusiye ordusı Dnipronıñ sol tarafında ve işğal etilgen Qırımnıñ şimalinde mudafaa donatmalarını pekiştire. Bu aqta noyabrniñ 11-nde Ukrayına Silâlı quvetleriniñ Baş ştabı bildirdi.
«Mudafaa quvetleri Herson yönelişinde Ukrayına topraqlarını azat etmege devam ete. Muvafaqiyetli ücüm areketleri neticesinde ordumıznıñ bölükleri bazı yerlerde Dnipronıñ sağ tarafına qadar ketti. Bir çoq mesken yerde duşman qıdırıla ve yoq etile», – dep aytıla haberde.
Noyabrniñ 11-nde Ukrayına istihbaratı Herson Ukrayına kontroline qayta, şeerge Ukrayına silâlı quvetleri kire. Ukrayına prezidenti Volodımır Zelenskiy sağ tarafta qalğan Rusiye arbiylerini Ukrayınağa esirlikke teslim olmağa çağırdı.
Frenkistan prezidenti Emmanuel Makron Ukrayına vatandaşlarını Ukrayına silâlı quvetlerini Herson yönelişindeki muvafaqiyetini tebrikledi.
Hersonda uruşlar aqqında aytılmay. Rusiye Mudafaa nazirligi Rusiye arbiyleri Dnipronıñ sağ tarafından noyabrniñ 11-nde saba çıqarıldı, dep bildirdi. Rusiye gruppirovkasını idare etken komandan Sergey Surovikin bir qaç kün evelsi sağ tarafqa çekilecekler, dep ilân etti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
