Rusiye ve Çin Moğolistannıñ iştiraki ile sentâbr 11-den 15-ke qadar nükleer ücümniñ stimulâtsiyasını da içine alğan keniş mıqyaslı arbiy talimler keçirmekni planlaştıralar. Bunı, AQŞnıñ yüksek mevqili memurlarına atıfta bulunıp, «Amesika Sesi» bildire.
Çin arbiy müessisesi, «Vostok-18» talimlerinde iştirak etmek içün Çin Rusiyege 3 biñ 200-den ziyade askeri ile 900 arbiy tertibatını ve ondan ğayrı 30 uçağını yollaycaq, dep bildirdi.
Bu talimatta birinci kere Moğolistan iştirak etecek. Bu devlet, coğrafik olaraq Rusiye ile Çin arasında bulunğanına baqmadan soñki vaqıtlarda AQŞ ile münasebetler qurmağa ıntıla edi.
International Assessment and Strategy Center talil merkeziniñ baş tetqiqatçısı Rik Fişer: «Rusiye aman-aman 20 yıl devamında «Vostok» talimlerinde, esasen artilleriya vastasınen uçurıla bilgen az quvvetli nükleer silânı qullanıp, özüniñ «kerginlikniñ eksilmesi içün kerginleştirüv» adlı yañı doktrinasını mükemmelleştire edi», – dedi.
Rusiyeniñ, arbiy areketler başlağan soñ nükleer silânı qullanıp kelecekteki çatışmalarnı süratnen kerginleştirüvni közde tutqan yañı doktrinası Pentagonnı pek raatsızlay, dep qayd ete neşir.
