Yaltanıñ rusiyeli akimiyeti aprelniñ 18-20 Ay Petri yolunı qapatmağa qarar berdi. Şeer memuriyeti başınıñ müavini Stanislav Şaportov bildirgeni kibi, böylece orman yanğınlarınıñ ögüni alacaq olalar.
"Yanğınğa qarşı rejimniñ çerçivesinde tedbirlerni kerçekleştirmek içün aprelniñ 18-inden 20-sinece bütün naqliyat içün Yalta - Ay Petri yolundan yürüş sıñırlanacaq. Mesken yerlerine barğanlar istisnadır", - dedi memur.
Ay Petri etrafında rusiye polisi ve Yalta dağ-orman qoruğınıñ hadimleriniñ nevbetçiligi teşkil etilgeni bildirile.
