Link açıqlığı

Saatnıñ esas haberi

Rusiye Vinnıtsâğa raketa darbesini endirdi: 12 adam öldi 


Rusiyeniñ Vinnıtsâğa raketa ücümi neticesinde eñ azı 12 adam elâk oldı. Bunı Ukrayina fevqulâde vaziyetler üzre devlet hızmeti haber etti.

Elâk olğanlar arasında ufaq bala. 25 beş adam yaralandı.

Ukrayina Milliy polisiniñ yolbaşçısı İgor Klımenko haber etkeni kibi, "ilk malümatqa köre Rusiyeniñ üç raketası ofis odası olğan binağa tüşken, darbelerden sebep Zabitler evi ve yaqınlarda yerleşken mesken evler zarar körgen".

Moskva bir çoq delillerge baqmadan Ukrayinada vatandaşlarğa ateş açmağanını bildire.

Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.

Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.

Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.
XS
SM
MD
LG