Aprelniñ 18-inde Qırımda Yaltada iqtisadiy forum işini başlay. Esas tedbirler “Mriya” kompleksi ve Alupkada Vorontsov sarayında keçecek.
Teşkilâtçılar, merasimge 80-den ziyade memleketniñ temsilcileri kelecek dep qandıra, olarnıñ arasında Avropa Birligi memleketleri, Suriye, Latin Amerika, Asiya, Afrika ve Arap dünyasınıñ vekilleri.
Forumnıñ programmasında 50-ge yaqın tedbir bar. İqtisadiy ve içtimaiy saalar muzakere etilecek. Bundan ğayrı, Qırım akimiyeti, bir qaç yatırım añlaşmalarınıñ, şu sıradan inşaat saası veğıda sanayısınen bağlı, imzalanacağını ilân etti. Bundan ğayrı forumda sanktsiyalar ve olarnıñ Rusiye ve başqa memleketlerge tesiri meselesi muzakere etilecek.
Rusiye nezaretindeki Qırım akimiyeti, Yaltada forumnıñ teşkil etmesine, “YaMEF” teşkilâtına büdjetten 100 million ruble ayırdı.
