Mayıs 16-sında Tel Avivde “Eurovision-2019” halqara yır konkursınıñ ekinci yarıfinalı ötkerilecek, anda finalğa keçecek ekinci onluq belgilenecek, dep haber ete Azatlıq Radiosı.
Yarışnı canlı yayınlacaq “Suspilne” telekanalı bildirgeni kibi, final içün 18 iştirakçi küreşecek. Seyircilerniñ reyleri ve milliy jüri baaları neticesinde 10 yırcını saylaycaqlar.
Mayıs 16-sında Tel Avivde Ermenistan, İrlandiya, Moldova, İsveçre, Latviya, Romaniya, Daniya, İsveçiya, Avstriya, Hırvatistan, Malta, Litvaniya, Norvegiya, Felemenk, Rusiye, Albaniya, Şimaliy Makedoniya, Azerbaycan vekilleri çıqış yapacaq.
Birinci yarıfinal mayıs 14-ünde keçti. Onıñ neticesinde finalğa Avstraliya, İslandiya, Yunanistan, Belarus, Sırbistan, Qıbrız, Estoniya, Çehiya, San-Marino ve Sloveniyadan icracılar keçti.
Konkurs finalı mayısnıñ 18-inde olacaq. Seyirciler ve ihtisaslı jüri 41 iştirak etken memleketten ğalipni saylacaq.
Finalğa avtomatik şekilde saip olaraq İsrail ve “Büyük Beşniñ” - Büyük Britaniya, İtaliya, İspaniya, Frenkistan ve Almaniya - vekilleri keçti.
