Oktâbr 15-inde Aqmescitniñ (Simferopol) bir qaç soqağı bütün künge yarıqsız qalacaq. Bunı "Krımenergo" müessiseniñ matbuat hızmeti bildirmekte.
Bildirüvge köre, Aqmescitte elektrik teminatnıñ toqtatılması tamir işlerinen bağlı.
"Aqmescit şeeriniñ istimalcılarnıñ diqqatına! Oktâbr 15-inde elektrika söndürilmesiniñ planı deñişti: Geroyev Stalingrada soq., 8a, 10; Stantsionnaya soq., 42-80a (çift), 37-67 (tek), 73-109 (tek); Provodnikov soq., 95/76; Alpinistov soq., 80; Turistov soq., 56-86 (çift), 61-85 (tek); Turistov aral., 64-92 (çift), 51-77 (tek)», – denile beyanatta.
"Krımenergo" oktâbr ayında plan boyunca olacaq yarıq söndürmeleri aqqında ihtar ete edi.
2016 senesi baarde rus energoköprüniñ üçünci pıtağı işini başlağanına baqmadan, Qırımda yarıq söndürmeleri devam etmekte. 2015 senesi dekabrden başlap Herson vilâyetinde energetik tiremelerniñ bozulğanından soñ, Ukrainadan Qırımğa elektroenergiya berilmey. Şimdilik Qırım öz generatorları, Rusiye generatorları ve Kuban energoköprüniñ elektrik ağını qullana.
Martnıñ 18-inde Rusiye prezidenti Vladimir Putin Aqyarğa keldi, anda ise Balıqlava TES-iniñ açılışında iştirak etti
