Aqyarda martnıñ 9-ında yerli sakinler ve cemaat teşkilâtlarnıñ faalleri ukrain şair, yazıcı ve rassam Taras Şçevçenkonıñ abidesine çeçek qoydı. Böylece olar kobzarnıñ doğğan kününi qayd etti, haber ete Qırım.Aqiqat mühbiri.
Abidege çoqusı ukrain bayrağınıñ renklerinde çeçeklerni ketirdiler - sarı nargüz ve mavı susam. Aqyardaki ukrainler öz teşebbüsinen Şçevçenkonıñ hatırasını añmağa keldi. Qadınlar eykel ögünde haçlandı ve dua oqudı. Yerli ukrainler abide yanında Ukraina, Qırım ve Aqyardaki vaziyetni muzakere etti.
Aqyarnıñ Ukrain milliy-medeniy cemiyetniñ adından çeçeklerni Margarita Litvinenko, Oleg Leus ve Mihail Galunka qoydi.
Aqyarnıñ rusiyeli akimiyeti Şçevçenkonıñ hatırasına iç bir tedbir azırlamadı.
Ukrainada marnıñ 9-ında ukrain şair ve ressam Taras Şçevçenkonıñ doğğan kününden 206 yıllığını qutlaylar.
