Link açıqlığı

Saatnıñ esas haberi

Qırımda Aqmescit yanında yolnıñ "havflı" qısmını qapatacaqlar - akimiyet


Körgezmeli süret
Körgezmeli süret

Aqmescit yanında maşna yolunıñ Taqıl (Arkadyevka) - Çoñrav (Kolodeznoye) qısmı, naqliyat yürmesi içün avgust 8-inden qapatılacaq, dep bildire rusiyeli Qırım Naqliyat Nazirligi.

Beyanatqa köre, yol, birinci telüke sınfı olğan gaz boru hattı üzerinde keçe ve havflısızlıqqa telüke ola bile.

"Uzunlığı 8,2 km olğan yolnıñ 350 metri qapatılacaq. Yol, onıñ tübünde Ulan Eli (Glebovka) - Aqmescit birinci telüke sınfı olğan gaz boru hattı keçkeni ve bu yol qısmında havflısızlıqqa telüke ola bilgeni sebebinden qapatıla", - denile beyanatta.

Müessise, yolnıñ qapatılğan qısmında mesken yerler olmağanını ve avtobus marşrutı keçmegenini belgilediler.

XS
SM
MD
LG