Oktâbr 19-ında saba Qırımda duman tahmin etile, dep bildire Qırım Gidrometeomerkezi.
Sinoptiklerniñ tahminlerine köre, Aqmescitte deñişici bulutlılıq, yağanaqlarsız. Saba bazı yerlerde duman. Şimal-şarqiy yel 6-11 m/s. Ava arareti kündüz 20…22º.
Aqyarda deñişici bulutlılıq, yağanaqlarsız. Saba dumanlı. Ğarbiy yel 5-10 m/s. Ava arareti kündüz 17…19º.
Qırımnıñ cenübiy yalısında deñişici bulutlılıq, yağanaqlarsız. Şarqiy yel 6-11 m/s. Ava arareti kündüz 21…23º.
Keriçte biraz bulutlı. Yağanaqlarsız, saba bazı yerlerde duman. Kündüz şimal-şarqiy yel 1-6 m/s. Ava arareti kündüz 19…21º.
Gidrometeomerkez malümatına köre, Qırımda afta devamında sıcaq ava olacaq.
