Qırımda şeftali cıyması başlandı, dep bildire rusiye Qırım köy hocalığı Nazirliginiñ başı Andrey Rümşinge easalanıp "Krıminform" matbuatı.
"Qırımda iyülniñ birinci aftasında erte pişip başlağan şeftali çeşitlerini çıyıp başladılar. Cıyuvğa Bağçasaray ve Canköy rayonları buyurdı. Şeftali cıyuv mevsimi sentâbr-oktâbrgece uzanacaq", - dep yaza Rümşinniñ sözlerinde matbuat.
Onıñ aytqanına köre, bu yıl şeftali pişmesine ava şaraiti pek kelişken edi, dep yaza media.
"Keçken yıl Qırımda qurganlıq edi, onıñ içün çerdekli meyvalarnıñ cıyması eksik edi. Bu yıl ise ava şaraiti daa kelişken edi, sıcaq avadan soñ yağmurlar yağa edi, bunıñ içün terekler yahşı baqılsa, bereketi bol olur. 2018 senesi umumen 5 biñ tonnadan çoq şeftali cıyılğan edi, bu yıl köstergiçler daa yüksek olmalı", - dep yaza memurnıñ sözlerinden haber agentligi
Qayd etilgenine köre, Qırımda şeftali bağçaları umumen 1,3 biñ gektar yerni qaplay. Olarnıñ çoqusı Bağçasaray, İslâm Terek, Saq ve Canköy rayonlarındadır.
