SNN-niñ malümatına köre, Büyük Britaniyanıñ mudafaa naziri Ben Uolles Ukrayinağa Britaniya qırıcılarınıñ teslimatı çoq yıl devam ete bilecek dep bildirgen.
"Söz qırıcılarğa kelgende, yaqın aylarda ya da atta yıllarda mıtlaqa qırıcılarnı teslim etecegimizni tüşünmeyim. Bu qırıcılarnı idare etmekni bir ya da eki afta içinde ögrenemezler. Çoq vaqıt kerek olacaq", - dedi o.
Ukrayina prezidenti Volodımır Zelenskıy Büyük Britaniyanı ziyaret etkeni zamanı ukrayin uçucıları NATO qırıcılarında talimlerge başlağanı haber etilgen edi.
Rusiye 2022 senesi fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
