Link açıqlığı

Saatnıñ esas haberi

Tunis prezidenti keçindi


Tunis prezidenti Beji Caid Essebsi
Tunis prezidenti Beji Caid Essebsi

Tunis prezidenti Beji Caid Essebsi keçindi, dep, devlet başınıñ kâtibiyetiniñ malümatına esaslanıp, haber ete Reuters agentligi. Bu aqta Azatlıq Radiosı bildire.

Beji Caid Essebsi, dünyada eñ esli prezident edi, o 92 yaşında edi. Ölüminden evel, Tunis prezidenti, nevbetteki prezident müddetine namzet köstermeycegini bildirgen edi. Saylavlar noyabr ayında keçmek kerek edi.

İyünniñ soñunda Beji Caid Essebsiniñ sağlıq alı fenalaşqan edi, yerli matbuat ise, onıñ ölümi aqqında haberni tarqatqan edi. Onıñ safdaşları bu malümatnı red etken edi.

Beji Caid Essebsini 2014 senesi, "Arap baari" narazılıqlarından soñ Tuniste keçirilgen ilk demokratik prezident saylavlarında saylağan ediler. 2011 senesi kütveliy narazılıqlardan soñ, 23 yıldan berli devlettek üküm etken prezident Zin al-Abidin Ben Ali, istifa etken edi. O, Tunisten qaçıp, Saudi Arabiyada siyasiy sığınaq aldı.

XS
SM
MD
LG