Link açıqlığı

Saatnıñ esas haberi

Zapt etilgen ukrain deñizciler azat etilmelerini bekley - Moskovada diplomatlar


“Nikopol” kateriniñ komandiri Bogdan Nebılitsa Moskovada mahkemede, 2019 senesi yanvar
“Nikopol” kateriniñ komandiri Bogdan Nebılitsa Moskovada mahkemede, 2019 senesi yanvar

2018 senesi noyabrniñ 25-inde Qırım yalısı yanında Rusiye tarafından zapt etilgen ukrain deñizcilerniñ “keyfi yahşı ve azat etilmelerini bekley”.

Bu aqta Facebookta Moskovada ukrain diplomatlarnıñ sözlerinden Ukraina Yuqarı Radasınıñ insan aqları boyunca vekâli Lüdmila Denisova yazdı.

Ombudsmen deñizcilerniñ tuvğanlarınen beraber aprelniñ 14-ünde mahkeme oturışlarında iştirak etmek içün Rusiyege keldi. Oturış aprelniñ 17-sinde Moskovanıñ Lefortovo mahkemesinde keçirilecek.

“Soylar, cenk eserlerine emek ve eşyanı yollamağa rica etti. Yarın satın alınğan şeyler Lefortova SİZOsına deñizcilerge yiberilecek”, - dep yazdı Denisova.

Noyabrniñ 25-nde Rusiyeniñ sıñır gemileri Odesa limanından Azaq deñizinde Mariupolge keçken Ukraina Arbiy deñiz quvetleriniñ gemilerine qarşı «açıq istilâiy areketler» kerçekleştirdi. Rusiyeniñ «Don» sıñır kateri Ukraina Arbiy deñiz quvetleriniñ «Yañı Qapu» reyd buksirine aselet çarptı.

Rusiye FSBsi Ukraina gemilerine qarşı silâ qullanğanını tasdıqladı, mında berilgen malümatqa köre, üç Ukraina cenk gemisi noyabrniñ 25-nde «Rusiye devlet sıñırından qanunsız keçti».

Aqmescit ve Keriç mahkemeleri 24 Ukraina deñizcisini apiske aldı. Olar 2019 senesi yanvarniñ 25-ne qadar apiste qalacaqlar. Ukraina deñizcileri 6 yılğa azatlıqtan marum qala bile. Qırım yalısında zapt etilgen Ukraina deñizcileri noyabrniñ 27-nde Rusiye Ceza kodeksiniñ 322-nci maddesiniñ 3-ünci qısmına istinaden (sıñırdan qanunsız keçiş) qabaatlandı. Esir alınğan Ukraina askerleri Moskvağa avuştırıldı.

Qırım Muhtar Cumhuriyetiniñ prokuraturası Rusiye FSBsi tarafından zapt etilgen ukrain deñiz askerlerini cenk esiri dep tanıdı.

Rusiyeniñ Keriç boğazında yapqanlarını bir sıra Avropa memleketi ve ABD tenqit eteler. NATO, vaziyetni ve Keriç boğazındaki adiselerni diqqatnen közetkenini bildirip, ağır-sabırlı olmağa ve vaziyetniñ daa beterine yol açmamağa çağırdı.

XS
SM
MD
LG